Comité Central FRETILIN Apoia Perfurasaun Bee-Matan ba Komunidade SSPS iha Maliana

 

Comité Central FRETILIN Apoia Perfurasaun Bee-Matan ba Komunidade SSPS iha Maliana

Relasiona ho vizita Prezidente Partidu Frente Revolucionário do Timor-Leste Independente - FRETILIN Fransisco Guterres "LÚ-ÓLO" ba Bobonaro, iha loron 16 fulan jullu 2022 ho objetivu atu konvoka reuniaun traballu ho kuadrus-estrutura munisipál nian sira, aliénde ne'e, halo mós vizita solidariedade (asaun sosiál) ba dormitóriu komunidade madre SSPS Maliana ho Assosiaun Defisiente Bobonaro.

Vizita ex-Prezidente Repúblika ba grupu komunidade rua ne'e hodi distribui apoia solidariedade hanesan nesesidade bázika sira inklui aproveita hodi haree no rona direta prekupasaun no difikuldade ne'ebé Komunidade sira ne'e enfrenta tuir idaidak nia realidade. Husi preokupasaun aprezentadu lideransa FRETILIN anota no koloka ba konsiderasaun hodi apoia no impulsiona funsionamentu atividade husi grupu komunidade sira ne'e bele lao ho di'ak liután, embora apoia sira ne'e la'ós perfeitu no kompletu, emprinsípiu bele kosege tuir kapasidade partidu nian.

Ho konsiderasaun profunda husi lideransa partidu nian, mak iha loron tuir mai, CCF liuhusi Adjuntu Sekretáriu-Jerál José Maria dos Reis orienta ba estrutura Partidu nia iha munisípiu hodi halo koordenasaun no buka tékniku ba halo perfurasaun Bee-matan iha aldeia Oplegul, suku Holsa, Postu Administrativu Maliana, besik dormitóriu komunidade madre SSPS Maliana. Traballu perfurasaun durante kuaze fulan ida, ikusmai iha loron 16 fulan agostu, kosege hetan Bee ho volume sufisiente no estável hodi korresponde ba nesesidade primaria dormitóriu nian, tantu jerente no órfaun sira ne'ebé hela iha dormitóriu ne'e, inklui mós populasaun Aldeia Oplegul ne'ebé hela besik Bee-matan refere. Dadaun ne'e ekipa tékniku sira sei kontinua halo hela instalasaun torneira liga husi posu ba tanki hodi depozita no distribui Bee.

Tuir planu, Bee-matan perfuradu ne'e sei inagura direta husi Sekretáriu-Jerál FRETILIN, Dr. Mari Alkatiri iha loron 27 fulan Agostu tinan 2022.

Mídia Fronteira